5 stelpur komust í úrvalið.

Fyrir mistök þá féll eitt nafn niður á listanum yfir stelpurnar sem náðu í 42 manna hópinn hjá U15.

Brynja Pálína Sigurgeirsdóttir komst í hópinn auk þeirra sem fyrr voru nefndar þ.e. Möggu, Elsu, Selmu og Söru. Enn og aftur til hamingju stelpur. Ég er stoltur af ykkur.

Kv. Siggi Sig.

4 Valsstelpur í 42 manna hóp U-15

Fjórar stelpur frá Val voru valdar í 42 manna hóp sem æfir um páskahelgina fyrir norðurlandamót sem verður í Júní í Danmörku. Eftirfarandi stelpur eru í hópnum.

Elsa Rún Karlsdóttir
Margrét Ósk Einarsdóttir
Sara Diljá Sigurðardóttir og
Selma Skúladóttir.

Gangi ykkur vel stelpur.

Bestu kveðjur.
Siggi Sig.

9. flokkur.

Stelpurnar léku í Keflavík um helgina ái 9. flokki. Við töpuðum öllum leikjunum en þrátt fyrir það get ég verið stoltur af mínum stelpum. Þær sýndu á sér nýja hlið og léku alla leikina á fullu alveg til enda. besti leikurinn var á móti Grindavík sem þær töpuðu með 5 stigum. Það var sérstaklega ánægjulegt að sjá þær berjast svona vel þar sem Sara gat ekki leikð um helgina vegna veirusýkingar sem hrjáir hana. Unglingalandsliðsþjálfarinn var á mótinu og hrósaði stelpunum og bað þær að vera duglegar að æfa í sumar. þá er bara að finna einhverja leið til að halda æfingum gangandi fyrir þær.

Bestu kveðjur.
Siggi Sig.

9. flokkur í keflavík um helgina.

Um helgina leikum við í A-riðli í Heiðarskóla í Keflavík. Leikirnir verða sem hér segir:

Laugardag kl 12:00 á móti Njarðvík.
og kl. 14:30 á móti Breiðablik.

Sunnudag kl. 10:00 gegn Grindavík
og kl. 12:30 á móti Keflavík.

Ég set nánari upplýsingar um hvernig við förum á staðinn , hverjir geta keyrt og því um líkt á morgun.

Bestu kveðjur.
Siggi Sig.

Æfingabúðir Vals um páskana

Æfingabúðir Vals um páskana Dagana 29.-31. mars fara fram æfingabúðir Vals í körfuknattleik í Vodafonehöllinni að Hlíðarenda. Umsjónamaður verður Lýður Vignisson yfirþjálfari yngri flokka Vals en honum til aðstoðar verða reyndir leiðbeinendur.

Boðið verður upp á tvo aldursflokka, yngri og eldri. Yngri iðkendur fæddir 1998-2003 (6-11 ára) eru frá kl. 09:00-11:30. Ráðlegt er að senda börnin með smávegis næringu með á æfingarnar en hlé verður gert á æfingum milli 10:00-10:20 til þess að nærast.

Eldri iðkendur fæddir 1993-1997 (12-16 ára) eru frá kl. 12:00-14:00

Æfingabúðirnar munu einkennast af grunn- og tækniþjálfun þar sem lögð verður áhersla á einstaklinginn. Æfingabúðir yngri iðkenda munu þó einnig einkennast af leikjum og skemmtun en á síðasta degi æfingabúðanna verður haldið mót milli iðkenda í hvorum aldurshópi fyrir sig.Þátttökugjald er kr. 3.000 krónur sem greiðist á fyrsta degi æfingabúðanna.

50% Vinaafsláttur: Ef þú ert Valsari og langar að bjóða einhverjum utan félagsins með þér í æfingabúðirnar þá er það alveg sjálfsagt. Ef þú færð einhvern vin með þér í æfingabúðirnar þá borgið þið báðir/báðar einungis hálft gjald.

Skráningar berist til Lýðs á netfangið Lydur06@ru.is eða í síma 694-4033. Vinsamlegast gefið upp nafn og kennitölu iðkenda sem og nafn, kennitölu og gsm-símanúmer foreldra.

Leikir um helgina

Á sunnudag verður fjölliðamót í Vodafone-höllinni. Leikirnir verða eins og hér segir.

Kl. 9:00 gegn KFÍ
Kl. 12:45 gegn Njarðvík
Kl. 15:15 gegn KR.

Mæting fyrir fyrsta leik er kl. 8:30.

Engin æfing verður í dag.

Kveðja.
Siggi Sig.

Æfingaleikur.

Á mánudaginn kl 20:10 verður æfingaleikur gegn Reykjavíkurúrvali stúlkna sem fæddar eru 96. Þetta lið er á leið til Helsinki í vor á höfuðborgamót norðurlandanna. Í þessu liði eru tvær Valsstelpur , Elsa Rún og Margrét Ósk, og vonum við að þær standi sig vel og sýni sínar bestu hliðar þó þær séu að leika á móti sínu liði. leikurinn verður í Seljaskóla og þurfa stelpurnar að mæta kl. 19:30.
Föstudagsæfingin fellur niður vegna útleigu á Vodafone höllinni og verður næsta æfing á sunnudag.

Bestu kveðjur.
Siggi Sig.